Врз основа на членовите 5, 12, 20 и 76 од Законот за Здруженија на граѓани и фондации (Сл.весник на РМ број 31 од 02.07.1998 година) и член 21 од Статутот на Здружението на новинарите на Македонија, Собранието на Здружението на новинарите на Македонија, на седницата одржана на 11.06.2003 година, донесе
С Т А Т У Т
на
Здружението на новинарите на Македонија
I. ОПШТИ ОДРЕДБИ
Член 1
Здружението на новинарите на Македонија е здружение на граѓани, формирано со слободно здружување на професионалните новинари во Република Македонија, заради остварување на своите професионални интереси во заштитата на слободата на јавното информирање на слободата на новинарската професија, за јакнење на професионалната самостојност и етика.
Член 2
Здружението на новинарите на Македонија е независно, самостојно, невладино и непартиско здружение на доброволно здружени новинари, што дејствува на територијата на Република Македонија.
Член 3
Здружението на новинарите на Македонија своите цели, задачи и дејности ќе ги остварува во согласност со односите уредени со Уставот на Република Македонија, законите и Статутот.
Член 4
Називот на Здружението е: Здружение на новинарите на Македонија. Скратениот назив е ЗНМ. Седиштето на ЗНМ е во Скопје, на адреса: Градски ѕид, Блок 13.
Називот на англиски гласи: Association of journalists of Macedonia.
Член 5
Здружението на новинарите на Македонија е правно лице.
Здружението на новинарите на Македонија има свој печат и штембил.
Печатот е тркалезен и во него е втиснат текстот: Здружение на новинарите на Македонија-Скопје. Во средина е втиснат амблемот на ЗНМ.
Штембилот на ЗНМ е правоаголен, со текст за името и амблемот на ЗНМ.
ЗНМ има свој амблем.
ЗНМ води Регистар на своите членови
Член 6
Здружението на новинарите на Македонија го претставува и застапува неговиот претседател.
Член 7
Работата на Здружението на новинарите е јавна.
Јавноста во работењето се обезбедува со редовно известување на членовите на ЗНМ за сите облици на работење, со увид на спроведувањето на програмските задачи, со поднесување извештаи за работа на органите и телата на ЗНМ и за материјалното и финансиското работење.
Јавноста во работењето се обезбедува и остварува со јавно информирање, како и со доставување на пишани материјали, низ средби и состаноци преку постојните органи и тела на ЗНМ. За своите активности ЗНМ ќе информира и преку њеб сите.
II .ЦЕЛИ
Член 8
Новинарите се здружуваат во Здружението на новинарите на Македонија заради:
-Унапредување на уставно загарантираното право на јавноста да биде информирана за случувањата во општеството и правата на секој граѓанин на јавно изразување на мислата и слободен пристап кон информациите и кон сите јавни гласила.
Посебни цели и задачи на ЗНМ се:
-Ја брани слободата на печатот, радиото, телевизијата и на другите медиуми;
-Се бори против нивната злоупотреба, создавањето монополи и било какви форми на цензура на штета на вистинитото, целосното, непристрас-ното и навременото информирање на јавноста;
-Ги заштитува и унапредува слободите, правата и одговорноста на новинарите, врз основа на Уставот и законите на Република Македонија, Статутот и актите на ЗНМ, како и меѓународните документи што се однесуваат на слободата на јавните гласила, и остварувањето на изразува-њето и информирањето како основни човекови права.
-Го заштитува угледот и достоинството на новинарот и новинарска-та професија и ја заштитува и поттикнува слободата на критичкиот и креативниот труд.
-Ги застапува членовите, ги претставува пред општествената заед-ница, активно учествува при подготовката на законските прописи и меѓу-народни конвенции од интерес на професијата и го брани професионал-ниот интерес согласно Кодексот на новинарите на Македонија.
Член 9
За заштита на слободата, правата и интересите на новинарите, Здружението на новинарите на Македонија повикува и организира:
1.Јавен протест.
2.Информирање на меѓународните организации, ИФЈ, Хелсиншкиот комитет, Советот на Европа и други меѓународни организации, институ-ции и медиуми.
3.Информативен бојкот.
4.Информативен молк на гласилата на Република Македонија.
5.Општ штрајк.
Здружението на новинарите на Македонија се обраќа и бара зашти-та од народниот правобранител на Република Македонија, синдикатите и другите невладини организациии што се занимаваат со заштита на чове-ковите права и слободи.
Постапката за преземање на мерките под 1, 2, 3, се регулира со посебен акт на Извршниот одбор, а за точките 4 и 5 одлучува Собранието на ЗНМ.
Член 10
Целите на ЗНМ се остваруваат со:
-Соработка со синдикатите што ги опфаќаат новинарите во Репуб-лика Македонија.
-Соработка со други владини и невладини, образовни, стручни и научни институции за развој на информирањето во земјата и странство.
-Соработка и членување во меѓународните новинарски асоцијации и новинарски синдикати, како и со новинарски асоцијации на одделни земји.
-Организирано давање правна помош за заштита на професионал-ната и материјалната положба и достоинство на новинарот, неговата не-зависност и правото на индивидуално изразување, како и независноста на уредниците во уредувањето на гласилата и емисиите.
-Обезбедување фондови за социјална и материјална помош на нови-нарите кои ќе можат да се користат со акт на Извршниот одбор на ЗНМ.
-Развивање на соработката и на професионалната и колегијална солидарност меѓу новинарите и медиумите.
-Организирање на стручни и научни собири и поттикнување на стручната и професионална едукација.
Во остварувањето на своите цели, ЗНМ ќе се залага за професи-оналните и за материјалните интереси на новинарите да се заштитат со актите и договорите во редакциите и со работодавачите, а на национално ниво со колективен договор со Владата и со работодавачите.
III. ЧЛЕНУВАЊЕ, ПРАВА И ОБВРСКИ
Член 11
Член на ЗНМ може да биде секој новинар во Република Македонија. Членовите на ЗНМ се редовни, придружни и почесни.
Редовен член е професионален новинар кој се занимава со новинар-ство, на кој новинарството му е постојано главно занимање.
Членството се воспоставува со доброволно потпишана писмена изја-ва-пријава и со издавање членска книшка. Со писмената изјава се доставу-ва потврда за професионалниот ангажман и две фотографии.
Приемот во членство се врши директно во ЗНМ. Одлука носи Извршниот одбор на предлог на Комисија за членство и организација. На одлуката на Извршниот одбор може да се поднесе жалба до Собранието на ЗНМ.
ЗНМ прима и придружни членови. Лицата вработени во јавни служ-би, образовни, научни, културни, стопански и други институции, публи-цисти и сл., кои повремено се занимаваат со новинарство, можат да бидат примени за придружни членови.
Доколку редовен член на ЗНМ премине на работа во институциите од предходниот став, членството во ЗНМ и во органите и телата на ЗНМ станува придружно, додека ги работи тие работи.
Новинарите што поминале 20 години како редовни членови, а пре-станале да се занимаваат со професионално новинарство, можат да оста-нат како придружни членови на ЗНМ. Доколку другата работа е сврзана со новинарството, остануваат како редовни членови.
Македонски државјани што престојуваат привремено или постојано во странство, а се занимаваат со професионално новинарство, како и ма-кедонски државјани со постојан престој во Македонија што работат за странски медиуми, можат да бидат редовни членови на ЗНМ, ако ги ис-полнуваат условите предвидени со овој Статут.
Пензионираните новинари го задржуваат статусот на редовни чле-нови.
Редовен член на ЗНМ ако остане без работа, го задржува статусот на редовен член додека е невработен.
ЗНМ прима и почесни членови, на предлог на Извршниот одбор.
Почесни членови можат да бидат и странци.
Член 12
Права на редовните членови на ЗНМ се:
- Да избира и да биде избран во органите и телата на ЗНМ.
- Да изнесува мислења и ставови за работата на органите и телата на ЗНМ.
- Да поседува членска книшка на ЗНМ и на Меѓународната новинарска федерација.
- Да ја користи правната заштита што ја обезбедува ЗНМ.
- Да ги користи фондовите на ЗНМ согласно актите на тие фондови.
- Да ги користи бенефициите што ги овозможува ЗНМ и ИФЈ.
- Да ја користи стручната помош што ја обезбедува ЗНМ.
- Придружните членови имаат право во Собранието на ЗНМ, да изнесуваат мислења за работата на органите и телата на ЗНМ, да ја користат правната заштита за новинарската работа и да поседуваат член-ска книшка на ЗНМ, освен членска книшка на Меѓународната новинар-ска федерација. Придружните членови немаат право да одлучуваат за Статутот на ЗНМ и да гласаат за избор на Органите на ЗНМ. Придруж-ниот статус е назначен во членската книшка на ЗНМ.
- Почесните членови имаат право да ја следат работата на Собра-нието на ЗНМ, без право на свои претставници во Собранието на ЗНМ и учество во одлучувањето.
Почесното членство е назначено во членската карта на ЗНМ.
Член 13
Обврски на членот на ЗНМ се:
- Совесно да ја извршува својата професионална должност, почи-тувајки го Статутот на ЗНМ и Кодексот на новинарите на Македонија.
- Активно да учествува во работата на избраните и работните тела, извршувајки ги совесно обврските преземени со прифаќањето на изборот.
- Редовно да ја плаќа членарината.
- Да го чува имотот на ЗНМ што му е доверен на управување или употреба.
- Членот на ЗНМ ги ужива правата и е должен да ги почитува обврските што произлегуваат од членството на ЗНМ во Меѓународната новинарска федерација (ИФЈ) и во други меѓународни здруженија.
Член 14
Членството во ЗНМ престанува:
-Со доброволно излегување од ЗНМ и враќање на новинарската легитимација.
-Неплаќање членарина повеќе од една година
-Со неизвршување на обврските на член на ЗНМ.
-Од оправдани причини членот може да биде ослободен од плаќање членарина.
Одлука за престанување на членството во ЗНМ донесува Извршни-от одбор на ЗНМ по сопствен предлог, по предлог на Регионалниот цен-тар, или по предлог на Советот на честа. На одлуката на Извршниот одбор може да се поднесе жалба до Собранието на ЗНМ, во рок од 15 дена од донесувањето на одлуката за исклучување.
IV. ФИНАНСИРАЊЕ НА ЗНМ
Член 15
ЗНМ остварува средства од:
-Членарина
-Донации
-Сопствени извори
-Други услуги
-Трговски друштва
- Конкретни проекти и грантови
-Други извори
Член 16
Користењето и располагањето со средствата на ЗНМ се врши на начин утврден со овој Статут и останатите законски норми.
Член 17
За користење и располагање со средствата одлучуваат Органите на ЗНМ, согласно надлежностите утврдени со овој Статут. Средствата се користат наменски и рационално.
V. УПРАВУВАЊЕ СО ЗНМ
Член 18
Со ЗНМ управува членството непосредно или преку своите избрани претставници во органите.
Права и должности на избраните членови во Органите на ЗНМ се:
-Да предлагаат и решаваат прашања од заеднички интерес;
-Да ги усогласуваат своите ставови со другите избрани членови;
-Да ги спроведуваат одредбите од овој Статут;
-Да работат на спроведување на заедничките и други активности што призлегуваат од Статутот;
-да ги реализираат програмите за работа и усвоените одлуки и заклучоци;
-да ги застапуваат интересите и ставовите на новинарите чиј претставник се и редовно да ги известуваат за нивната работа;
-да придонесуваат за развојот на ЗНМ;
VI. ОРГАНИ НА ЗНМ
Член 19
Органи на ЗНМ се :
1.Собрание
2.Извршен одбор
3. Претседател
4.Надзорен одбор
5.Совет на честа
1. СОБРАНИЕ НА ЗНМ
Член 20
Собранието е највисок орган на управување со ЗНМ.
Собранието го сочинуваат претставници од редовното членство на ЗНМ и тоа:
Централната канцеларија во Скопје и Регионалните центри избираат по три претставници плус по еден на секои 15 членови на ЗНМ.
Мандатот на членовите на Собранието трае 4 години, со право на повторен избор.
Собранието на ЗНМ одлучува со просто мнозинство од присутните делегати.
Собранието за избор на Претседател и членови на Извршниот одб-ор, членови на Советот на честа и членовите на Надзорниот одбор одлу-чува со мнозинство од вкупниот број на делегати.
Членовите на Собранието предлагаат кандидати за Претседател, членови на Извршниот одбор, Советот на честа и Надзорниот одбор, со најмалку десет гласови.
Член 21
Собранието:
- Донесува Статут на ЗНМ и врши негови измени и дополнувања.
- Избира и разрешува Претседател на ЗНМ, членови на Извршни-от одбор, членови на Надзорниот одбор и на Советот на честа. ;
- Донесува Деловник за работа;
- Донесува ориентациона Програма за работа за период од 4 години;
- Донесува одлука за вкупното располагање со средствата и нивно-то одтуѓување според услови утврдени со закон;
- Донесува Финансиски план и усвојува Завршна сметка;
- Основа и укинува фондови на ЗНМ;
- Расправа за постигнатите резултати во работата на ЗНМ и дава насоки за натамошен развој на ЗНМ;
- Го разгледува и усвојува извештајот на Извршниот одбор, Прет-седателот, Надзорниот одбор и Советот на честа;
- Донесува акти, одлуки, заклучоци и препораки за решавање на прашања од животот и работата на ЗНМ;
- Востановува признанија и награди и донесува акти со критериуми и постапка за нивно доделување;
- Донесува Одлука со двотретинско мнозинство за престанок на работата на ЗНМ;
- Одлучува по жалби;
- Одлучува и по други прашања од интерес на ЗНМ.
Член 22
Собранието одржува седници, најмалку еднаш годишно, како и по потреба.
Седница на Собранието свикува Претседателот на ЗНМ. Од свику-вањето до одржувањето на седницата треба да поминат најмалку седум дена. Седница се свикува и по предлог на Извршниот одбор на ЗНМ, или на писмен предлог на 1/5 од вкупниот број членови на Собранието. Доколку претседателот во рок од 14 дена од денот на добиениот предлог не свика седница, седницата ја свикува Извршниот одбор или иницијато-рите.
Седница на Собранието за работата на Извршниот одбор може да се свика и по предлог на Надзорниот одбор.
Начинот на свикување на седницата на Собранието на ЗНМ и други прашања од работата на Собранието се уредува со Деловникот за работа.
Член 23
Седницата на Собранието може да се одржи и да се донесуваат пол-новажни одлуки ако се присутни повеќе од половина членови на Собра-нието.
Одлуките се носат со мнозинство гласови од присутните.
Одлуките се носат со јавно гласање, а Собранието може да се одлучи за тајно гласање.
2. ИЗВРШЕН ОДБОР НА ЗНМ
Член 24
Извршниот одбор на ЗНМ е извршен орган на Собранието, во кој секој член има еднакви права, обврски и отчетност за работењето и развојот на ЗНМ, во согласност со Статутот.
Член 25
Извршниот одбор брои 9 членови. Го сочинуваат Претседателот на ЗНМ и осум членови избрани на Собранието со тајно гласање. Мандатот на членовите на Извршниот одбор трае 4 години, со можност на повторен избор.
Претседателот на ЗНМ е Претседател на Извршниот одбор и тој го претставува и застапува Здружението.
Мандатот на Претседателот трае 4 години со можност за повторен избор.
Член 26
Извршниот одбор:
- Ги спроведува статутарните и програмските задачи на ЗНМ како и одлуките и заклучоците на Собранието;
- Донесува и реализира годишна програма за работа;
- Предлага измени и дополнувања на Статутот;
- Свикува седници на Собранието на ЗНМ, во согласност со Статутот.
- Донесува Одлуки за вршење јавни овластувања на ЗНМ, соглас-но законските услови;
- Подготвува Финансиски план и Завршна сметка;
- Донесува правилници, прифаќа спогодби и склучува договори;
- Донесува Одлука за висина на членарината;
- Донесува одлуки за основање трговски друштва согласно Законот;
- Избира и разрешува секретар на ЗНМ од своите редови, со мно-зинство на гласови од членовите на Извршниот одбор;
- Донесува одлуки за прием и престанок во членството на ЗНМ;
- Донесува одлуки за формирање постојани и повремени работни тела и ја насочува нивната работа;
- Донесува одлуки за набавка и отуѓување на основни средства за работа на ЗНМ, за печатење стручна литература и за други потреби;
- По предлог од редовните членови на ЗНМ во Регионалните цент-ри, од најмалку 2 кандидати именува Координатори на Регионалните цен-три на ЗНМ.
Координаторите на Регионалните центри ги разрешува пред истекот на мандатот, во случај на неспроведувањето на програмата на ЗНМ и непочитувањето на Статутот и Кодексот на Здружението.
- Ја следи и насочува работата на облиците на организирање на ЗНМ;
- Формира стручна служба на ЗНМ.
- Донесува Правилник за организирање на работните задачи на стручната служба;
- Организира и активно учествува во организирањето на разни акции и манифестации;
- Остварува меѓународна соработка на ЗНМ;
- Донесува и други одлуки што ќе произлезат од тековното работење;
- Врши и други работи што произлегуваат од Статутот на ЗНМ.
- Во случај на испразнување на местото член на Извршниот одбор, кооптира нов член, се до верификувањето на неговиот мандат на Собранието на ЗНМ.
Член 27
Извршниот одбор формира постојани рааботни тела и тоа:
-Комисија за членство и организација;
- Комисија за финансиско работење;
-Комисија за стручно усовршување;
-Комисија за меѓународни односи.
- Комисија за награди и признанија.
Комисиите имаат пет члена.
Член 28
Извршниот одбор за својата работа одговара пред Собранието на ЗНМ.
Извршниот одбор се состанува по потреба, а најмалку еднаш месечно.
Седницата на Извршниот одбор ја свикува претседателот на ЗНМ, а во негово отсуство секретарот.
Начинот на свикување на седницата и други прашања од работењето на Извршниот одбор се уредува со Деловникот за работа.
Член 29
3. ПРЕТСЕДАТЕЛ на ЗНМ:
- Го претставува и го застапува ЗНМ;
- Свикува и претседава со седниците на Извршниот одбор и на Собранието;
- Ги спроведува одлуките на Собранието и Извршниот одбор;
- Ги потпишува актите што ги донесува Собранието и Извршниот одбор и другите акти што ги склучува ЗНМ;
- Ги прогласува наградите и признанијата на ЗНМ;
- Наредбодател е и потписник на сметката на ЗНМ;
- Ја координира работата на постојаните и повремените работни тела на ЗНМ;
- Врши и други работи што ќе му ги довери Собранието и Извршниот одбор во согласност со Статутот и другите општи акти и превземени обврски на ЗНМ.
Член 30
4. Надзорниот одбор е орган на ЗНМ.
Надзорниот одбор брои три члена што ги избира Собранието на ЗНМ, од редовните членови на ЗНМ.
Членовите на Надзорниот одбор од својот состав избираат Претседател.
Мандатот на членовите на Надзорниот одбор е 4 години,со право на повторен избор .
Член 31
Надзорниот одбор:
- Врши контрола врз примената на Статутот и другите општи акти на ЗНМ;
- Врши контрола врз материјално финансиското работење на ЗНМ;
- Врши контрола врз наменското располагање со средствата и приходите на ЗНМ;
- Надзорниот одбор најмалку еднаш годишно поднесува Извештај за своите наоди и одлуки до Собранието и Извршниот одбор;
- Надзорниот одбор, ако оцени дека е потребно, може да предложи свикување на седница на Собранието и на Извршниот одбор.
5. СОВЕТ НА ЧЕСТА
Член 32
Советот на честа е орган на ЗНМ.
Советот на честа брои 5 членови што ги избира Собранието на ЗНМ од редовните членови на ЗНМ.
Членовите на Советот на честа од својот состав избираат Претсе-дател.
Мандатот на членовите на Советот на честа е 4 години, со можност на повторен избор.
Член 33
Советот на честа:
- Го следи остварувањето на начелата и одредбите на Кодексот на новинарите на Македонија;
- Покренува и спроведува постапка доколку се повредени профе-сионалните начела и норми од Кодексот на новинарите на Македонија;
- Самостојно покренува или предлага расправа од другите тела на ЗНМ за појавите во јавното информирање со кои се кршат нормите и начелата на Кодексот.
VII. РЕГИОНАЛНИ ЦЕНТРИ И СЕКЦИИ
Член 34
Регионалните центри на ЗНМ се форма на организирање на члено-вите на ЗНМ според територијата која го опфаќа Регионалниот центар.
Регионалните центри се организираат според функционалноста и те-риторијалната припадност, заради поорганизирано дејствување на ЗНМ.
Регионалните центри се формираат со одлука на Извршниот одбор на ЗНМ.
Со Регионалниот центар раководи Координатор, именуван од Извршниот одбор на ЗНМ.
Член 35
Права и обврски на Регионалниот центар се:
- Да ги спроведува целите на ЗНМ утврдени со овој Статут и Ко-дексот на новинарите на Македонија и програмските определби на ЗНМ.
- Да се грижи за работните и животните услови на новинарите;
- Да иницира постапка пред Советот на честа.
- Да поднесува извештај за активностите и финансиската состојба во Центарот, најмалку еднаш месечно до Извршниот одбор на ЗНМ.
Член 36
Права и обврски на Координаторот на Регионалниот центар се:
- да ги реализира целите и задачите на ЗНМ, како и да учествува во активностите.
- да се грижи за успешно функционирање на Регионалниот центар и да стопанисува одговорно со опремата и средствата.
Член 37
Регионалните центри имаат свој печат.
Печатот е во тркалезна форма со втиснат текст: Здружение на нови-нарите на Македонија - Скопје, Регионален центар ___ (Куманово, Битола, Штип, Охрид, Струмица, Тетово);
Во Регионалните центри каде што населението, што го покрива Центарот, некои етнички зедници учествуваат со повеќе од 20 проценти во вкупното население, текстот на печатот, покрај на македонски е напишан и на јазиците на тие етничките заедници.
Член 38
За акциона соработка, координација на активноста на специјализи-рани групи новинари, за размена на искуства и заедничко дејствување, можат да се основаат Секции на новинари.
Статутарна одлука за формирање на Секција донесува Извршниот одбор на ЗНМ.
VIII. СТРУЧНА СЛУЖБА НА ЗНМ
Член 39
За извршување на административно -стручни, помошни и на нив слични работи од заеднички интерес за остварување на целите на ЗНМ, се формира Стручна служба.
Член 40
Правата, обврските и одговорностите за работата на вработените во Стручната служба се утврдуваат во правилник што го подготвува секре-тарот на ЗНМ, согласно законските норми и Статутот.
Средствата за работа на Стручната служба се определуваат со Фи-нансиски план секоја година и тоа: средства за плати, за заедничка потро-шувачка, за материјални трошоци и за посебна намена за нормално из-вршување на функциите.
Член 41
Со стручната служба раководи секретар што го именува и разрешу-ва Извршниот одбор. Во отсуство на Претседателот, свикува и претседа-ва со седниците на Извршниот одбор.
Секретарот е наредбодател и потписник на сметката на ЗНМ.
За извршување на својата работа секретарот е оговорен пред Извршниот одбор.
Секретарот се грижи за организационото јакнење на ЗНМ.
IX. НАГРАДИ И ПРИЗНАНИЈА
Член 42
ЗНМ ги воспоставува следните награди и признанија:
1. Награда “Крсте Мисирков”, се доделува за: животно дело, едно-годишни остварувања во печатот, радиото и телевизијата и за новинар на годината
2. Специјални признанија за новинари што работат во медиумите во дијаспората.
3. Специјални признанија за поединци и институции што ја помагаат работата на ЗНМ.
Член 43
Извршниот одбор одлучува за доделување на наградите по предлог на Комисијата за награди и признанија.
X. ПРЕСТАНОК НА РАБОТАТА ЗНМ
Член 44
З Н М ќе престане со работа, ако за тоа одлучат членовите на ЗНМ, ако бројот на членовите се намали под бројот определен за основање, ако настанат услови утврдени со член 52 од Законот.
Одлука за престанок на работата на ЗНМ донесува Собранието со дветретинско мнозинство.
Член 45
По престанок на работата на ЗНМ, имотот и другите права и приходи што остануваат по намирувањето на обврските, преминуваат во сопственост на легитимен правен наследник. Во спротивно имотот станува сопственост на државата.
ПРЕОДНИ И ЗАВРШНИ ОДРЕДБИ
Член 46
Право на толкување на одредбите на овој Статут има Собранието на ЗНМ, а меѓу две собранија Извршниот одбор.
Измени и дополнувања на овој Статут се вршат по иста постапка како и за негово донесување.
Член 47
Избраните претставници на Собранието, Извршниот одбор, Надзорниот одбор и Советот на честа остануваат во овие тела до истекот на мандатот за кој се избрани.
Член 48
Овој Статут влегува во сила со денот на донесувањето, со што престанува да важи Статутот на ЗНМ донесен на 23. 01. 1999 година.
СКОПЈЕ Здружение на новинарите на Македонија
11. 06 2003
