Здружението на новинарите на Македонија во соработка со Американската амбасада во Скопје, на 14 септември организираше средба помеѓу Брент Канингам, вонреден професор по новинарство на Универзитетот Колумбија во САД и членовите на Извршниот одбор, Советот на честа на ЗНМ и дел од уредниците во македонските медиуми. По својата елаборација на темата за која Кунингам е експерт - редефинирање на новинарската објективност, се поведе дискусија и беше заклучено дека мора да се следат современите текови на новинарството, дека треба да се истражува и дека само пренесувањето на безлични информации повеќе не ја задоволуваат публиката. Иако постојат разлики во традицијата и во современата новинарска практика во Америка и во Македонија, сепак беше заклучено дека мора да се почитуваат новинарските стандарди, а со користењето на современата техника и интернет, ќе се подобри квалитетот на информирањето воопшто.












